مَتَلي أحمَدي

هَبي روُیىِ چروُگَلي، هَبي چوندا آويِلىِ ناموُش أحمَد بي، خوُشش گیِ إي کَواستَي و فرا خوُشش گیِ گر وارده چني سارزي هوُر بَرشا. واتش أحمَد: "نَقو بلي دارستاني نیِزك." نَقه لوا اوندا گرش وارد و تشتیِ غَريبش تیت چیِري داریِ گَورَي. نیِزكوُ كَت بتَرس مَيتوُ صَندوقیِ هردي شیرين كريان بكَمَریِ رَنگين. اوُكَردش أحمَد إي صَندوقي مَيتوُ چمان هَندا خَریتیِ کوُني فرا ديار مَدوُ چمان یازمیزا يانگه خَزنیِ هولیان. كیِفوُ بي أحمَد واتش: "نَقو بلي سَري إي كوپري و دَرباز بي آوي و رَد بي نمان داروباغي حَتا بیاوي بخَزنَي." نَقه أحمَد لوا حَتا رَسا بوُ یانگَي مَیتوُ اوندا کوُماییِ کَمَر أرنیان سَري إیِفتَر. بَلیِ أحمَد بخیِراي هیِش کَمَرگَلش لا دا. اورزا بکَنوُ و فرا آرَکش کَرد حَتا تیتش خَزنَي. وتيتش صَندوقیِ پر سيرا وكَمَري زیِرا. كیِفوُ بي فرا أحمَد، او واتش: "کا چي خَزنَي بدي بیانَما وهَمراگَلچیِم." اوُرگیِلا يانه او كیِف بي فرا چبا مرازش حاصل بي و اوُكاري جوُمَردي بي.

الكلمات الشبكية و ترجمها للعربي