هەورێشە و شلپە

بی و نەوی چە خوای گەورەتر نەوى چە قالاوی سیاوتر نەوى.

ڕۆیێ چە ڕۆان هەورێشەیێ چە بانی کانی ئاوی ورمش وەنە کەفتەیی چە بانی کانیە ئاوەکە دارێ سێو مەۆ چەناکام شلپەیێ مەیەۆ. هەورێشەکە چە تەرسان مورزۆ و مەڕەمۆ، تیشی هەرچی حەیواناتێ مەیەۆ چە وەرگ و چەقەل و ڕەواس و قاز و کەرگ، مەیەۆ پرسیار مەکەرا ماچا: "هەورێشە چیشەن وەچی مەڕەمی؟" هەورێشە ماچۆ: "شلپەن." باقی حەیوانات گشت مەڕەما چەنی هەورێشە، تیشی شێری مەوان شێر ماچۆ: "وەچی مەڕەمدێ؟" ماچا: "هەورێشە ماچۆ شلپەن." شێر ماچۆ: "هەورێشە شلپەی چیشەن؟" هەرویشە ماچۆ: "نمەزا بەس شلپەیێ ئاما چە بانی کانیەکە." شێر ماچۆ: "ورگێلدێ بانی کانیەکە." مورگێلا بانی کانی ئاوەکە سەیر مەکەرا سێوێ وەرۆ بیەن نامەی کانی ئاوەکە. شلپەش ئامان. شێر دووبارە سێوەکەی مودارۆ وەرشۆ مەدۆ نامەی کانی ئاوەکە. دووبارە شلپەش مەیۆ. هەروێشە ماچۆ: "ها دووبارە شلپەن گەرەکش بی بڕەمێ." شێر واتش: "بندردێ مەڕەمدێ ئینە شلپەی سێوەکەن." شێرەکە سێوەکەش وە تەنیا وارد.